കൊച്ചി: മഹാരാജാസ് കോളേജില് എസ്എഫ്ഐ നേതാവ് അഭിമന്യൂ കുത്തേറ്റ് മരിച്ച സംഭവത്തില് പ്രധാനപ്രതി മുഹമ്മദ് പിടിയില്. ക്യാമ്പസ് ഫ്രണ്ട് മഹാരാജാസ് കോളേജ് യൂണിറ്റ് പ്രസിഡന്റാണ് മുഹമ്മദാണ് കൊലപാതകം ആസൂത്രണം ചെയ്തതും പ്രതികളെ വിളിച്ചുവരുത്തിയതെന്നുമാണ് പോലീസ് പറയുന്നത്. ഇയാളെ എവിടെ വെച്ചാണ് അറസ്റ്റ് ചെയ്തതെന്ന വിവരം പുറത്തു വന്നിട്ടില്ല. കൊലപാതകത്തില് സഹായിച്ച നാലു പേര് കൂടി പോലീസ് കസ്റ്റഡിയിലുണ്ട്. കേസിലെ ഒന്നാം പ്രതി മുഹമ്മദ് ക്യാമ്പസ് ഫ്രണ്ടിന്റെ സജീവ പ്രവര്ത്തകനാണ്.
ഒന്നാം തീയതി രാത്രിയിലാണ് സംഭവം നടന്നത്. കേസില് പോലീസ് എഫ്ഐആറിലെ ഒന്നാം പ്രതിയായ മുഹമ്മദ് സംഭവത്തിന് പിന്നാലെ ഒളിവില് പോയിരുന്നു. ആരാണ് കുത്തിയതെന്ന് ഇയാള് പോലീസിന് വിവരം നല്കിയിട്ടുണ്ടെന്നാണ് വിവരം. ഇയാള് ഉള്പ്പെടെയുള്ള പ്രതികള്ക്കായി പോലീസ് വന് തെരച്ചില് തന്നെ നടത്തിയിരുന്നു. നിരവധിപേരെ കസ്റ്റഡിയില് എടുത്ത് ചോദ്യം ചെയ്തിരുന്നു. എസ്ഡിപിഐ യുടെയും പോപ്പുലര് ഫ്രണ്ടിന്റെയും പല സ്ഥാപനങ്ങളിലും തെരച്ചില് നടത്തുകയും ഇവരുടെ ബന്ധുവീടുകളിലും മറ്റും പരിശോധന നടത്തുകയും ചെയ്തിരുന്നു. പ്രതികള് പുറത്തേക്ക് രക്ഷപെടാതിരിക്കാനും മറ്റും പോലീസ് ശക്തമായ മുന്കരുതലുകളായിരുന്നു സ്വീകരിച്ചത്.
ക്യാമ്പസിലെ ചുവരെഴുത്തിനെ തുടര്ന്നുള്ള സംഘര്ഷമായിരുന്നു വഴക്കിന് കാരണം. മുഹമ്മദ് ആവശ്യപ്പെട്ടത് അനുസരിച്ചാണ് കൊലപാതക സംഘം ക്യാമ്പസില് എത്തിയത്. സംഭവത്തിന് തൊട്ടു പിന്നാലെ മുഹമ്മദ് കൊച്ചി വിടുകയും ചെയ്തിരുന്നു. മുഹമ്മദിന് വേണ്ടി തിരുവനന്തപുരത്തും കണ്ണൂരിലുമൊക്കൊയായി വലിയ തോതില് തെരച്ചില് നടത്തിയിരുന്നു. മറ്റു പ്രതികളെ പിടികൂടാനുള്ള നീക്കത്തിലാണ് പോലീസ്. കൊലപാതകം നടത്തുന്നതിനായി പ്രെഫഷണലായി പരിശീലനം കിട്ടിയവരാണ് കൃത്യം നടത്തിയതെന്നാണ് പോലീസ് കണ്ടെത്തല്.
from mangalam.com https://ift.tt/2LkXRyK
via IFTTT
No comments:
Post a Comment